ប្រទេសថៃ៖ គ្រោះថ្នាក់​យន្តហោះ​ទី​៤ ​ប្រចាំ​ដើមឆ្នាំ​២០២៤ បាន​កើត​នៅ​ក្នុង​ខេត្ត​ឈុ​ន​បុរី ប្រទេស​ថៃ ដោយ​យន្តហោះ​មួយ​គ្រឿង​ហោះ​បុក​ជាមួយ​ដើមឈើ និង​ធ្លាក់​ចំ​វាលស្រែ​បណ្តាល​ឱ្យ​មនុស្ស​២​នាក់​ស្លា.ប់​និង​របួស ។ យន្តហោះ​ខ្នាត​តូច​មួយ​គ្រឿង​បាន​ធ្លាក់​នៅ​កណ្តាល​វាលស្រែ​ក្នុង​ខេត្ត​ឈុ​ន​បុរី ប្រទេស​ថៃ បណ្តាល់​ឲ​ឱ្យ​ជនបរទេស​ម្នាក់​ស្លា.ប់ និង​អ្នក​រួម​ដំណើរ​ម្នាក់​ទៀត​បាន​រង​របួស​ធ្ងន់ធ្ងរ​ ។ គ្រោះថ្នាក់​ធ្លាក់​យន្តហោះ​ទៅ​ថៃ ត្រូវ​បាន​ចាត់​ទុក​ថា ជា​ហេតុការណ៍​គ្រោះថ្នាក់​យន្តហោះ​ទី​៤ បន្ទាប់​ពី​ហេតុការណ៍​ដែល​ទើបតែ​កើតឡើង​ថ្មី​ៗ​នៅ​ប្រទេស​វៀតណាម សហរដ្ឋអាមេរិក និង​ប្រទេស​ជប៉ុន​។

យោង​តាម​ការ​សារព័ត៌មាន Thai PBS News ចេញផ្សាយ​នៅ​ព្រឹក​ថ្ងៃ​សៅរ៍ ទី​១៣ ខែមករា ឆ្នាំ​២០២៤​នេះ បញ្ជាក់​ថា យន្តហោះ​ធុន​តូច​មួយ​គ្រឿង​បាន​ធ្លាក់​នៅ​កណ្តាល​វាលស្រែ​ក្បែរ​ប្រាសាទ Huai Yai ខេត្ត Chonburi ។ ក្រោយ​កើតហេតុ​ភ្លាម​ៗ គេ​ប្រទះ​ឃើញ​ជនបរទេស​ម្នាក់​ស្លា.ប់​នៅ​នឹង​កន្លែង និង​មនុស្ស​ម្នាក់​ទៀត​បាន​រង​របួស ខណៈ​ដែល​សមត្ថកិច្ច​កំពុង​ប្រញាប់ប្រញាល់​ស្វែងរក​មូលហេតុ​។

ប្រភព​ដដែល​បាន​បញ្ជាក់​ថា នា​វេលា​ម៉ោង​ប្រហែល 9:00 ព្រឹក ថ្ងៃ​ទី​១៣ ខែមករា ឆ្នាំ​២០២៤ មន្ត្រី​មូលដ្ឋាន​បាន​ទទួល​របាយការណ៍​ថា មាន​យន្តហោះ​តូច​មួយ​គ្រឿង​បាន​ធ្លាក់ នៅ​កណ្តាល​វាលស្រែ​ក្បែរ​ប្រាសាទ Huai Yai ឃុំ Huai Yai ស្រុក Bang Lamung ខេត្ត Chonburi ដំបូង​ឡើយ​មនុស្ស​ម្នាក់​បាន​ស្លា.ប់ និង​ម្នាក់​ទៀត​រង​របួស​។ ទីតាំង​កើតហេតុ​ស្ថិត​នៅ​កណ្តាល​វាលស្រែ ប្រហែល​៥០០​ម៉ែត្រ​ពី​ផ្លូវ Huai Yai កម្ទេចកម្ទី​យន្តហោះ​បាន​រាយ​ប៉ាយ​ពាសពេញ​វាលស្រែ​។

គួរ​កត់​សម្គាល់ថា គ្រោះថ្នាក់​ធ្លាក់​យន្តហោះ​ក្នុង​ប្រទេស​ថៃ​ចុង​ក្រោយ​នេះ បាន​កើតឡើង​រំលង​គ្នា​តែ​៣​ថ្ងៃ​ប៉ុណ្ណោះ​ក្រោយ​ពី​កើត​មាន គ្រោះថ្នាក់​ធ្លាក់​យន្តហោះ​យោធា ក្នុង​ប្រទេស​វៀតណាម កាលពី​ថ្ងៃ​ទី​៩ ខែមករា ឆ្នាំ​២០២៤ ជា​រឿង​ចៃដន្យ​យន្តហោះ​ទាំង​ពីរ​នេះ បាន​បាត់​ការ​គ្រប់គ្រង និង​បាន​ធ្លាក់​ចំ​វាលស្រែ​របស់​អ្នកស្រុក​ដូច​គ្នា​ថែម​ទៀត​៕