រាជធានីភ្នំពេញ ៖ បុរសម្នាក់ ជិះម៉ូតូទៅបុកប៉ះពីចំហៀងរថយន្តព្រូស ដែលមកស្របទិសគ្នាដួលខ្ទាតចូលរថយន្តមិនចាំម៉ាកមួយគ្រឿងទៀត បុកស្លាប់យ៉ាងរន្ធត់ រួចបើករត់គេចខ្លួនបាត់ ។
ហេតុការណ៍នេះបានកើតឡើងកាលពីវេលាម៉ោង ១៥:២៤នាទី ថ្ងៃទី១០ ខែវិច្ឆិកា ឆ្នាំ២០២៤ ត្រង់ចំណុចលើផ្លូវបេតុងព្រៃស ស្ថិតក្នុងភូមិព្រៃសលិច សង្កាត់ព្រៃស ខណ្ឌដង្កោ រាជធានីភ្នំពេញ ។
សមត្ថកិច្ចបានឲ្យដឹងថា មុនពេលកើតហេតុភាគីរថយន្ត TOYOTA PRIUS ពណ៌ស ពាក់ផ្លាកលេខឈ្មោះ រស់ រតនា ភេងប្រុស អាយុ៣៣ឆ្នាំ មុខរបរ បើកបររថយន្ត មានទីលំនៅភូមិអណ្តូង ឃុំបែកចាន ស្រុកអង្គស្នួល ខេត្តកណ្តាល (ពុំមានរងរបួស ឃាត់ខ្លួនប្រគល់អោយការិយាល័យនគរបាលចរាចរណ៍ផ្លូវគោករាជធានីភ្នំពេញ) និងម៉ូតូ SUZUKI NEX ពណ៌ស ពាក់ផ្លាកលេខ កំពង់ចាម 1U-0702 បើកបរដោយឈ្មោះ ហែម បញ្ញា ភេទប្រុស អាយុ២៤ឆ្នាំ មុខរបរ កម្មកររោងចក្រ មានទីលំនៅភូមិជើងភ្នំ ឃុំកក់ ស្រុកបសេដ្ឋ ខេត្តកំពង់ស្ពឺ (បានស្លាប់បាត់បង់ជីវិតនៅកន្លែងកើតហេតុ ពាក់មួកសុវត្ថិភាព) បើកបរក្នុងទិសដៅស្របទិសគ្នាពីលិចទៅកើត ពេលមកដល់ចំណុចកើតហេតុខាងលើ ម៉ូតូក៏បានបុកពីក្រោយជំហៀងខាងឆ្វេងរថយន្ត TOYOTA PRIUS បណ្ដាលអោយខ្ទាតបោកប៉ះរថយន្តពុំស្គាល់ម៉ាក និងផ្លាកលេខ ដែលបើកបរក្នុងទិសដៅបញ្ច្រាសទិសគ្នាពីកើតមកលិច បណ្តាលអោយស្លាប់បាត់បង់ជីវិតតែម្ដង រួចហើយរថយន្តនោះបន្តល្បឿនបើកគេចបាត់។
ក្រោយកើតហេតុ នគរបាលចរាចរណ៍ខណ្ឌដង្កោ សហការជាមួយនគរបាលចរាចរណ៍ក្រុង ចុះមកធ្វើការវាស់វែង យករថយន្តនិងម៉ូតូទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាពេលក្រោយតាមច្បាប់ និងប្រគល់សពឲ្យសាច់ញាតិធ្វើបុណ្យតាមប្រពៃណី ៕ អែល វិចិត្រ
មន្ទីរប្រឆាំងគ្រឿងញៀន ច្រានចោលចោលទាំងស្រុង ចំពោះការផ្សព្វផ្សាយមិនពិតរបស់គណនី TikTok អនាមិកឈ្មោះ «បក្សីចាំក្រុង» ជុំវិញការបង្ក្រាបបទល្មើសគ្រឿងញៀន នៅក្លឹបពេជ្រលើមេឃ!
ក្រុមហ៊ុន Prince Group ចេញសេចក្តីថ្លែងការណ៍បដិសេធការចោទប្រកាន់លើអ្នកឧកញ៉ា ចេន ហ្ស៊ី
កងកម្លាំងការពារព្រំដែនទិសខេត្តព្រះវិហារ ជាពិសេសជនភៀសសឹកចំនួន៥០០គ្រួសារទទួលអំណោយពីតំណាង នាយឧត្តមសេនីយ៍ ស ថេត អគ្គស្នងការនគរបាលជាតិ
ឯកឧត្ដម ឧត្ដមសេនីយ៍ឯក ឃឹង សារ៉ាត់ ដឹកនាំកិច្ចប្រជុំបូកសរុបលទ្ធផលការងារប្រចាំកខែកក្កដា និងលើកទិសដៅបន្ត សម្រាប់ខែសីហា ឆ្នាំ២០២៥ របសមន្ទីរប្រឆាំងគ្រឿងញៀន
ក្រុមហ៊ុន អារ៉ាខាវ៉ា ខូ អិលធីឌី បានដាក់សម្ពោធបើកលក់គម្រោងលំនៅឋានអារ៉ាខាវ៉ា ២
សួស្ដីហ្វេនៗ Powaram នឹងមានវត្តមាននៅអង្គរសង្រ្កាន្តខេត្តសៀមរាបណា៎
ចាងហ្វាងគេហទំព័រ CRN News Live 24h ចូលខ្លួនមកបំភ្លឺ ធ្វើកិច្ចសន្យា ទទួលស្គាល់កំហុស នៅមន្ទីរប្រឆាំងគ្រឿងញៀន
មន្ទីរប្រឆាំងគ្រឿងញៀន ចេញសេចក្តីប្រកាសព័ត៌មាន ជុំវិញកិច្ចប្រតិបត្តិការបង្ក្រាបទល្មើសគ្រឿងញៀន ក្នុងភូមិសាស្ត្ររាជធានីភ្នំពេញ នៅថ្ងៃទី៩ ខែមីនា ឆ្នាំ២០២៥
016 772 021
©2023 រក្សាសិទ្ធគ្រប់យ៉ាងដោយ VITHEY NEWS
