ខេត្តសៀមរាប ៖ សាហាវមែន! ធ្លាប់ជាប់ពន្ធនាគារខេត្តប៉ៃលិនរយៈពេល៣ខែមិនរាង ទើបតែចេញពីគុកសោះ រត់ទៅបួសជាសង្ឃ បួសមិនទាន់បានប៉ុន្មានផង តណ្ហាបាំងមុខ ចាប់រំលោភក្មេងស្រីអាយុ៣ឆ្នាំ រួចសម្លាប់យកសពទៅបោះចោលនៅវាលស្រែ ត្រូវសមត្ថកិច្ចចាប់ឃាត់ខ្លួន ។
ហេតុការណ៍នេះបានកើតឡើងកាលពីថ្ងៃទី២៦ ខែតុលា ឆ្នាំ២០២៤ នៅវត្តប្រាសាទសង្កែសិង្ហ ហៅវត្តត្រពាំងខ្ទះ ក្នុងភូមិត្រពាំងខ្ទះ ឃុំស្វាយលើ ស្រុកស្វាយលើ ខេត្តសៀមរាប ក្រោយកើតហេតុបាន២ថ្ងៃ សមត្ថកិច្ចក៏បំបែកសំណុំរឿងនេះបាន ឈានទៅដល់ការចាប់ខ្លួនបានតែម្តង នៅថ្ងៃទី២៨ ខែតុលា ឆ្នាំ២០២៤ ។
សមត្ថកិច្ចបានឲ្យដឹងថា ជនសង្ស័យមានឈ្មោះ ណាន់ សំនៀង ភេទប្រុស អាយុ៥៤ ឆ្នាំ អតីតជាសង្ឃ ស្នាក់នៅវត្តប្រាសាទសង្កែសិង្ហ ហៅវត្តត្រពាំងខ្ទះ ភូមិត្រពាំងខ្ទះ ឃុំស្វាយលើ ស្រុកស្វាយលើ ខេត្តសៀមរាប ។
តាមសេចក្តីរាយការឲ្យដឹងថា កាលពីព្រឹកថ្ងៃទី២៦ តុលា ឆ្នាំ ២០២៤ ឪពុកម្តាយបានទុកកូនស្រីឈ្មោះ ផុន ស្រីខួច អាយុ១០ឆ្នាំ ឱ្យនៅចាំផ្ទះមើលថែប្អូនៗ៣នាក់ ហើយនាំគ្នាចេញទៅធ្វើចំការ ដូចធម្មតា ពេលត្រឡប់មកវិញនៅម៉ោង៩ព្រឹកថ្ងៃដដែល ឈ្មោះ ផុន ស្រីខួច បាននាំប្អូនៗទៅលេងនៅក្នុងបរិវេណវត្តប្រាសាទសង្កែសិង្ហ ហៅវត្តត្រពាំងខ្ទះ ដែលមានចម្ងាយពីផ្ទះប្រហែល១៥០ម៉ែត្រ ពេលទៅដល់វត្ត ក្មេងៗមួយក្រុមនោះ បាននាំគ្នាទៅលេងកុដិព្រះសង្ឃឈ្មោះ ណាន់ សំនៀង ដែលជាជនសង្ស័យ ដោយព្រះសង្ឃបានយកទូរស័ព្ទដៃមកចាក់រឿងភាគឱ្យកុមារទាំងអស់មើល ។ លុះដល់វេលាម៉ោង១០និង៣០នាទី កុមារីរងគ្រោះ បានចុះពីលើកុដិទៅលេងនៅទីធ្លាដីតែម្នាក់ឯងវិញ ប៉ុន្តែមួយសន្ទុះក្រោយមក ស្រាប់តែបាត់ក្មេងស្រីរងគ្រោះ មិនដឹងទៅទីណា ទើបប្រញាប់ទៅប្រាប់ឪពុកម្តាយ អ្នកជិតខាង រួមទាំងសាច់ញាតិក្នុងភូមិ បាននាំគ្នាជួយដើររកកុមារីរងគ្រោះ តែរកមិនឃើញសោះ ។ រហូតដល់វេលាម៉ោង៩ព្រឹកថ្ងៃទី២៨ ខែតុលា ឆ្នាំ២០២៤ រយៈពេល២ថ្ងៃ ទើបប្រទះឃើញសពកុមារីរងគ្រោះនៅវាល ស្រែខាងត្បូងវត្តប្រាសាទសង្កែសិង្ហ ហៅវត្តត្រពាំងខ្ទះ ប្រហែល១៥០ម៉ែត្រ ក៏ប្រញាប់រាយការណ៍ជូនសមត្ថកិច្ចតែម្តង ។
ដោយអនុវត្តតាមបញ្ជាដឹកនាំពីលោកឧត្តមសេនីយទោ ហួត សុធី ស្នងការនគរបាលខេត្តសៀមរាប និងលោកវរសេនីឯក ស្នងការរងទទួលផែនជំនាញ កម្លាំងការិយាល័យនគរបាលព្រហ្មទណ្ឌកម្រិតធ្ងន់ បានសហការជាមួយកម្លាំងនគរបាលបច្ចេកទេសវិទ្យា សាស្ត្រ និងកម្លាំងនគរបាលស្រុកស្វាយលើ បានចុះទៅពិនិត្យកន្លែងកើតហេតុ និងធ្វើកោសលវិច្ច័យលើសាកសព ជនរងគ្រោះពិតជាស្លាប់ដោយអំពើឃាតកម្មរំលោភសម្លាប់ សមត្ថកិច្ចបានដុតដៃដុតជើង ធ្វើការស្រាវជ្រាវស៊ើបអង្កេតរយៈពេល២ថ្ងៃ ទើបកំណត់បានមុខសញ្ញាជនដៃដល់ គឺជាព្រះសង្ឃ ហើយក៏បាននាំខ្លួនទៅសាកសួរ និងប្រគល់ឲ្យខាងធម្មការគណៈកម្មការ និងព្រះចៅអធិការវត្ត ផ្សឹកសង្ឃអង្គនោះដើម្បីបន្តនីតិវិធីច្បាប់តែម្តង ៕ នុច
មន្ទីរប្រឆាំងគ្រឿងញៀន ច្រានចោលចោលទាំងស្រុង ចំពោះការផ្សព្វផ្សាយមិនពិតរបស់គណនី TikTok អនាមិកឈ្មោះ «បក្សីចាំក្រុង» ជុំវិញការបង្ក្រាបបទល្មើសគ្រឿងញៀន នៅក្លឹបពេជ្រលើមេឃ!
ក្រុមហ៊ុន Prince Group ចេញសេចក្តីថ្លែងការណ៍បដិសេធការចោទប្រកាន់លើអ្នកឧកញ៉ា ចេន ហ្ស៊ី
កងកម្លាំងការពារព្រំដែនទិសខេត្តព្រះវិហារ ជាពិសេសជនភៀសសឹកចំនួន៥០០គ្រួសារទទួលអំណោយពីតំណាង នាយឧត្តមសេនីយ៍ ស ថេត អគ្គស្នងការនគរបាលជាតិ
ឯកឧត្ដម ឧត្ដមសេនីយ៍ឯក ឃឹង សារ៉ាត់ ដឹកនាំកិច្ចប្រជុំបូកសរុបលទ្ធផលការងារប្រចាំកខែកក្កដា និងលើកទិសដៅបន្ត សម្រាប់ខែសីហា ឆ្នាំ២០២៥ របសមន្ទីរប្រឆាំងគ្រឿងញៀន
ក្រុមហ៊ុន អារ៉ាខាវ៉ា ខូ អិលធីឌី បានដាក់សម្ពោធបើកលក់គម្រោងលំនៅឋានអារ៉ាខាវ៉ា ២
សួស្ដីហ្វេនៗ Powaram នឹងមានវត្តមាននៅអង្គរសង្រ្កាន្តខេត្តសៀមរាបណា៎
ចាងហ្វាងគេហទំព័រ CRN News Live 24h ចូលខ្លួនមកបំភ្លឺ ធ្វើកិច្ចសន្យា ទទួលស្គាល់កំហុស នៅមន្ទីរប្រឆាំងគ្រឿងញៀន
មន្ទីរប្រឆាំងគ្រឿងញៀន ចេញសេចក្តីប្រកាសព័ត៌មាន ជុំវិញកិច្ចប្រតិបត្តិការបង្ក្រាបទល្មើសគ្រឿងញៀន ក្នុងភូមិសាស្ត្ររាជធានីភ្នំពេញ នៅថ្ងៃទី៩ ខែមីនា ឆ្នាំ២០២៥
016 772 021
©2023 រក្សាសិទ្ធគ្រប់យ៉ាងដោយ VITHEY NEWS
