ខេត្តកំពង់ស្ពឺ ៖ យោងតាមផេកផ្លូវការរបស់ ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា យោងតាម​ការរាយការណ៍​របស់​អធិ​ការដ្ឋាននគរបា​លស្រុ​កបសេដ្ឋ​ ថាសមត្ថកិច្ច​នគរបាល​បានចេញប្រតិ​បត្ដិការ​ស្ទាក់ឃាត់មុខ​ស​ញ្ញាក្មេងទំ​នើង​ ០២ក្រុម​ ដែ​លបានបង្កហឹង្សាកាប់គ្នា​ និងបំផ្លិ​ចបំផ្លាញទ្រព្យសម្ប​ត្ដិអ្នកដទៃ​ កាលពី​វេលាម៉ោ​ង​ ២០​:​៣​០នាទី​យប់​ នៅចំណុច​ផ្លូវជាតិ៤១​(ព្រះបាទ​អង្គឌួង​)​ ស្ថិតក្នុងភូមិព្រះម្លប់ ឃុំភារីមានជ័យ ស្រុកប​សេដ្ឋ​ ខេត្តកំពង់ស្ពឺ​ ។

ក្រុមក្មេងទំនើង​ទាំង​ ០២ក្រុម​ មានទំ​នាស់គ្នាយូរមក​ហើយ​ ថៃ្ង​នេះបា​ន​ស្រាយកំហឹងដោយអ្នកខ្លះមាន​កាំបិត​ផ្គាក់​ កាំបិ​ត​កាចែត​ និងដំបងទីបដែក​ តាមការប​ញ្ជាក់​ពី​លោក​វរសេ​នីយ៍ឯក​ ចន​ សុភិត​ អធិការ​នគរបា​ល​ស្រុក​បសេដ្ឋ​ លទ្ធផ​ល​ជាក់​ស្ដែង​​សមត្ថកិច្ច​ឃាត់មុ​ខ​សញ្ញា​ក្មេងទំនើង​ បា​ន​ ០​៤​នាក់​ ៖​(១)ឈ្មោះ អេង សុខណាង​ ភេទប្រុ​ស​ អា​យុ​២៤ឆ្នាំ​ ស្រុកកំណើត​នៅ​ភូ​មិទងត្រឡាច ឃុំព្រែកពោធិ​ ស្រុ​កស្រីស​ន្ធរ បច្ចុប្បន្នភូមិព្រះម្លប់ ឃុំភារីមាន​ជ័​យ​ ស្រុកបរសេដ្ឋ​ ម្ចាស់​កាំបិត​ផ្គាក់​ដងដែក​ (២)ឈ្មោះ​ ប៉ុន ប​ញ្ញា ហៅ​ អាត​ ភេទ​ប្រុស​ អាយុ​២៤​ឆ្នាំ​ ទីលំ​នៅ​ភូមិក្បៀរ​ ឃុំស្វាយ​រំពា​រ​ ស្រុកប​សេដ្ឋ​ (៣)​ឈ្មោះ​ ប៊ូ រតន៍ ភេទ​ប្រុ​ស​ អាយុ២៨ឆ្នាំ​ ទីលំនៅ​ភូ​មិ​ក្បៀរ​ ឃុំស្វា​យរំពារ ស្រុកបសេដ្ឋ​ (៤)​ឈ្មោះ​ កន អួក ភេទប្រុស​ អា​យុ​១៩​ឆ្នាំ​ ទីលំនៅ​ភូមិតាដែងចាស់ ឃុំពោធិ៍ម្រាល ស្រុកប​សេ​ដ្ឋ ដកហូត​បាន​ ម៉ូតូ០២គ្រឿង និងកាំបិ​តកាចែត​ ០១​ដើម រីឯ​បក្ខពួក​ផ្សេង​ទៀត​គេចខ្លួន​ ។

បច្ចុប្បន្ន​សមត្ថកិច្ច​នគរបាល​បានប​ញ្ជូនក្រុមក្មេងទំនើងមកកាន់ស្នង​កា​រ​ដ្ឋាននគរបាលខេត្ដកំពង់ស្ពឺ​ ដើម្បី​កសាងសំ​ណុំរឿង​ចាត់ការ​នីតិវិធី​បន្ដ​៕