ខេត្តបាត់ដំបង ៖ យោងតាមផេកផ្លូវការរបស់ ស្នងការដ្ឋាននគរបាលខេត្តបាត់ដំបង បានឲ្យដឹងថា នៅថ្ងៃទី០១ ខែតុលា ឆ្នាំ២០២៤ ក្រោមការដឹកនាំបញ្ជារបស់លោក ឧត្តមសេនីយ៍ទោ​ ដាញ់​ អេងប៊ុន​ចាន់​ ស្នងការនៃស្នងការដ្ឋាននគរបាលខេត្តបាត់ដំបង​ និងមានការ​សហការជាមួយកម្លាំងជំនាញនាយ​កដ្ឋានបចេ្ចកទ្ទេសនិងវិទ្យាសាស្រ្តនៃអគ្គស្នងការដ្ឋាននគរ បាលជាតិរួមជាមួយមន្រ្តីអង្គភាពការពារកុមារ CPU កម្លាំងជំនាញផែនការងារនគរបាល ព្រហ្មទ័ណ្ឌដែល​ មានលោកឧត្តមសេនីយ៍ត្រី​ លឹម​ ពុទ្ធីឡា​ ស្នងការរងដឹកនាំផែន កម្លាំងនគរបាលស្រុកបា ណ​ន់​ ដែល មានលោកវរសេនីយ៍​ទោ​ សំ​ វីរៈ​ ជាអធិការនគរបា​ល​ស្រុក​ធ្វើការឃា-ត់-ខ្លួ-នបុរសម្នាក់ ឈ្មោះមៀន រ៉ា ភេទប្រុស អាយុ ៣៨​ ឆ្នាំ រស់នៅ​នៅភូមិគោកអំពិល ឃុំភ្នំសំពៅ ស្រុកបាណន់ ខេត្តបាត់ដំបងយក មកធ្វើការសាកសួរ ក្នុងករណី (ឃាតកម្ម) ទៅលើក្មេងស្រី ត្រូវជាក្មួយថ្លៃបង្កើត ​ដោយ​សាររឿងគំនុំ។

ក្នុងនោះ តាមប្រភពព័ត៌មាន ជនសង្ស័យខាងលើបានឆ្លើយសារភាពថា រូបគេពិតជាបាន ធ្វើសកម្មភាព សម្លាប់ក្មេងស្រីរងគ្រោះអាយុ១០ឆ្នាំ (ត្រូវជាក្មួយថ្លៃបង្កើត) ប្រាកដមែន ដោយកន្លងមករូបគេធ្លាប់មានគំនិតថា នឹងដឹកក្មេងស្រីរងគ្រោះខាងលើ ទៅកន្លែងស្ងាត់ ដើម្បីសួរនាំរឿងប្រពន្ធរបស់ខ្លួន តែមិនមានឱកាស លុះដល់ថ្ងៃទី១៤ ខែកញ្ញា ឆ្នាំ២០២៤ វេលាម៉ោង ១៥ និង ០០នាទី រូបគេក៏បានជិះម៉ូតូម៉ាក(Honda Dream) ពណ៌ខ្មៅ(មិនចាំស៊េរី បិទតែម២០០៧) ពាក់ស្លាកលេខ បាត់ដំបង 1A-0808 ដើររកក្មេងស្រីរងគ្រោះខាងលើ និងបានលួងលោមឲ្យឡើងជិះម៉ូតូជាមួយ ហើយដឹកទៅចំណុចកើតហេតុខាងលើ រួចក៏ធ្វើសកម្មភាព យកដុំថ្មប៉ុនភ្លៅវាយក្បាលពីក្រោយនិងពីមុខ បណ្ដាលឲ្យក្មេងស្លាប់ភ្លាមៗ រួចក៏លើកសពបោះចូលកន្លៀតថ្មនៅជើងភ្នំនោះតែម្ដង បន្ទាប់ពីធ្វើសកម្មភាពរួច រូបគេក៏ជិះម៉ូតូត្រឡប់មកផ្ទះវិញធ្វើដូចធម្មតា។

ពេលនេះសមត្ថកិច្ចនគរបាលក​សាងសំណុំរឿងបញ្ជូនមកអនុវត្តទៅតាមផ្លវច្បាប់៕នុច