រាជធានីភ្នំពេញ ៖ ជនសង្ស័យចំនួន ០៧នាក់ ត្រូវបានកម្លាំង ការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ ដឹកនាំដោយលោក លោកវរៈសេនីយ៍ទោ អេង សោភា នាយការិយាល័យ សហការជាមួយអធិការដ្ឋាននគរបាលខណ្ឌទាំង១៤ និងនគរបាលខេត្តកណ្តាល ធ្វើការបង្ក្រាបបាន ពាក់ព័ន្ធករណី ឃាតកម្ម (ប្រើដែកចុងស្រួចចាក់បណ្តាលឲ្យស្លាប់) និង អំពើលួច (កាច់បំបែកសោរក លួចយកម៉ូតូ) ។
សូមបញ្ជាក់ថា នៅថ្ងៃទី ២៩ ខែមិថុនា ឆ្នាំ២០២៤ វេលាម៉ោងប្រហែល០២ និង ២០នាទី រំលងអធ្រាត្រ នៅចំណុចមុខផ្ទះលេខ២៣Eo ផ្លូវលេខ៣៨ ស្ថិតនៅ ភូមិត្រពាំងល្វា២ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ មានករណី អំពើឃាតកម្ម (ប្រើដែកចុងស្រួចចាក់បណ្តាលឲ្យស្លាប់) និង អំពើលួច (កាច់បំបែកសោរក លួចយកម៉ូតូ) មួយបានកើតឡើង បង្កឡើងដោយជនសង្ស័យ៣នាក់ មិនស្គាល់អត្តសញ្ញាណ បានធ្វើសកម្មភាព កាច់បំបែកសោ ក លួចយកម៉ូតូ ០១គ្រឿង ម៉ាក HONDA DREAM C125 ពណ៌ខ្មៅ ផលិតឆ្នាំ២០១៥ ពាក់ផ្លាកលេខ កំពត 1I-2089 រួចជិះគេចខ្លួន ។
ភ្លាមៗនោះជនរងគ្រោះឃើញ ក៏ស្រែកឆោឡោឡើង ហើយក៏មានមិត្តភក្តិរបស់ជនរងគ្រោះ២នាក់ ជិះម៉ូតូ១គ្រឿងម៉ាក CSOOPY ពណ៌ខ្មៅ ដេញតាមជនសង្ស័យ ពេលនោះជនសង្ស័យម្នាក់ដែលអង្គុយខាងក្រោយ បានធ្លាក់ពីលើម៉ូតូ ហើយជនរងគ្រោះស្ទុះចូលទៅចាប់ ទើបមានការប្រវាយប្រតាយប្រតប់គ្នា ជាមួយជនសង្ស័ យម្នាក់នោះ បន្ទាប់មកជនសង្ស័យបានប្រើកាំបិតចុងស្រួច ចាក់ជនរងគ្រោះត្រូវចំដើមទ្រូងខាងឆ្វេង បណ្តាលឲ្យដួលស្លាប់នៅ កន្លែង ហើយជនសង្ស័យ៣នាក់ ក៏ជិះម៉ូតូដែលលួចបានគេចខ្លួនបាត់ ។
ដោយមានការដឹកនាំបញ្ជាផ្ទាល់ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ក្រោមការសម្របសម្រួលពីលោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កម្លាំងការិយាល័យនគរបាលជំនាញព្រហ្មទណ្ឌកម្រិតធ្ងន់ សហការជាមួយអធិការដ្ឋាននគរបាលខណ្ឌទាំង១៤ ធ្វើការស្រាវជ្រាវយ៉ាងយកចិត្តទុកដាក់ រហូតដល់ថ្ងៃទី១១ ខែសីហា ឆ្នាំ២០២៤ វេលាម៉ោងប្រហែល២៣និង០០នាទី ទើបចាប់ឃាត់ខ្លួនជនសង្ស័យទាំង០៣ នាក់ ជាបន្តបន្ទាប់ នៅក្នុងភូមិសាស្ត្រសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ និងដោយមានការចូលរួមសហការពីកម្លាំងជំនាញ នៃស្នងការដ្ឋាននគរបាលខេត្តកណ្តាល បន្តការស្រាវជ្រាវចាប់ឃាត់ខ្លួនអ្នកទទួលផលបន្តគ្នាចំនួន០៤នាក់ បន្ថែមទៀត នៅថ្ងៃទី១២ ខែសីហា ឆ្នាំ២០២៤ វេលាម៉ោងប្រហែល១៥ និង០០នាទី នៅចំណុចភូមិទួលខ្លុង ឃុំទួលព្រិច ស្រុកអង្គស្នួល ខេត្តកណ្តាល ។
ជនរងគ្រោះក្នុងករណីអំពើឃាតកម្មនេះមានឈ្មោះ តុញ ខេង ភេទប្រុស អាយុ៣៤ ឆ្នាំ មុខរបរ បុគ្គលិកចាក់សាំងកាល់តិច ស្នាក់នៅបន្ទប់ជួលគ្មានលេខ ផ្លូវបេតុង ភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ចំណែកជនរងគ្រោះក្នុងករណីលួច កាច់បំបែកសោរម៉ូតូ មានឈ្មោះ ស៊ី រ័ត្នផា ភេទប្រុស អាយុ៣២ ឆ្នាំ មុខរបរ បុគ្គលិកក្រុមហ៊ុន ស្នាក់នៅបន្ទប់ជួលគ្មានលេខ ផ្លូវបេតុង ភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ក្នុងនោះសម្ភារៈបាត់បង់ម៉ូតូ១គ្រឿង ម៉ាក HONDA DREAM C125 ពណ៌ខ្មៅ ផលិតឆ្នាំ២០១៥ ពាក់ផ្លាកលេខ កំពត 1I-2089 ។
រីឯជនសង្ស័យទាំង៧នាក់ ដែលចាប់ខ្លួនមាន ៖
ទី១.ឈ្មោះ សួន បញ្ញា ភេទប្រុស អាយុ៣០ ឆ្នាំ មុខរបរ មិនពិត ប្រាកដ ស្នាក់នៅបន្ទប់ជួលគ្មានលេខ ផ្លូវបេតុង សង្កាត់ផ្សារដើមគរ ខណ្ឌទួលគោក រាជធានីភ្នំពេញ (ជាជនដៃដល់ចាក់សម្លាប់ជនរងគ្រោះ និងលួចម៉ូតូ) ។
ទី២-ឈ្មោះ នុត សុផានិត ភេទប្រុស អាយុ២៦ ឆ្នាំ មុខរបរ មិនពិតប្រាកដ ស្នាក់នៅផ្ទះជួលគ្មានលេខ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ (សហចារី) ។
ទី៣-ឈ្មោះ លី សេងហុង ភេទប្រុស អាយុ៣០ ឆ្នាំ មុខរបរ មិនពិតប្រាកដ ស្នាក់នៅ មិនពិតប្រាកដ (សហចារី) ។
ទី៤-ឈ្មោះ ម៉ម សុវណ្ណ ភេទប្រុស អាយុ៤៧ ឆ្នាំ មុខរបរ រត់ផាសអាប់ ស្នាក់នៅផ្ទះគ្មានលេខ ផ្លូវលំ ភូមិមង្គល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ (អ្នកទទួលផល) ។
ទី៥-ឈ្មោះ ពៅ សំណាង ហៅ ដែន ភេទប្រុស អាយុ ២២ឆ្នាំ មុខរបរ ជាងដែក ស្នាក់នៅ ភូមិតាពេជ្រ ឃុំឈ្វាំង ស្រុកពញ្ញារឮ ខេត្តកណ្តា (អ្នកទទួលផល) ។
ទី៦-ឈ្មោះ ជៀវ សុជាតិ ភេទប្រុស អាយុ ២៧ឆ្នាំ មុខរបរ គក់ជេររថយន្ត ស្នាក់នៅភូមិស្រែអំពិល ឃុំឈ្វាំង ស្រុកពញ្ញាឮ ខេត្ត កណ្តាល (អ្នកទទួលផល) ។
៧-ឈ្មោះ ផេង សុខផា ភេទប្រុស អាយុ ២៥ឆ្នាំ មុខរបរ ធ្វើមេនបូជាសព ស្នាក់នៅភូមិទួលខ្លុង ឃុំទួលព្រិច ស្រុកអង្គស្នួល ខេត្តកណ្តាល (អ្នកទទួលផល) ។
ក្នុងនោះ វត្ថុតាងចាប់យក ៖-ម៉ូតូ ១គ្រឿង ម៉ាក HONDA DREAM ស៊េរីឆ្នាំ២០១៥ ពណ៌ខ្មៅ (ជាម៉ូតូរបស់ជនរងគ្រោះ) ។-សោរច្នៃសម្រាប់កាច់បំបែក ក ម៉ូតូ ចំនួន៣ដើម និងដងសោភ្ជាប់ ០២ដើម ។- ម្សៅក្រាមពណ៌សថ្លា សង្ស័យជាសារធាតុញៀន ០៣ថង់តូច នឹងសម្ភារផ្សេងៗ មួយចំនួន ។
ក្រោយឃាត់ខ្លួនជនសង្ស័យ និងវត្ថុតាង ត្រូវបានសមត្តកិច្ចកសាងសំណុំរឿងបញ្ជូនទៅសាលាដំបូងរាជធានី ដើម្បីចាត់ការតាមនីតិវិធីច្បាប់៕ អែល វិចិត្រ +មេសា
មន្ទីរប្រឆាំងគ្រឿងញៀន ច្រានចោលចោលទាំងស្រុង ចំពោះការផ្សព្វផ្សាយមិនពិតរបស់គណនី TikTok អនាមិកឈ្មោះ «បក្សីចាំក្រុង» ជុំវិញការបង្ក្រាបបទល្មើសគ្រឿងញៀន នៅក្លឹបពេជ្រលើមេឃ!
ក្រុមហ៊ុន Prince Group ចេញសេចក្តីថ្លែងការណ៍បដិសេធការចោទប្រកាន់លើអ្នកឧកញ៉ា ចេន ហ្ស៊ី
កងកម្លាំងការពារព្រំដែនទិសខេត្តព្រះវិហារ ជាពិសេសជនភៀសសឹកចំនួន៥០០គ្រួសារទទួលអំណោយពីតំណាង នាយឧត្តមសេនីយ៍ ស ថេត អគ្គស្នងការនគរបាលជាតិ
ឯកឧត្ដម ឧត្ដមសេនីយ៍ឯក ឃឹង សារ៉ាត់ ដឹកនាំកិច្ចប្រជុំបូកសរុបលទ្ធផលការងារប្រចាំកខែកក្កដា និងលើកទិសដៅបន្ត សម្រាប់ខែសីហា ឆ្នាំ២០២៥ របសមន្ទីរប្រឆាំងគ្រឿងញៀន
ក្រុមហ៊ុន អារ៉ាខាវ៉ា ខូ អិលធីឌី បានដាក់សម្ពោធបើកលក់គម្រោងលំនៅឋានអារ៉ាខាវ៉ា ២
សួស្ដីហ្វេនៗ Powaram នឹងមានវត្តមាននៅអង្គរសង្រ្កាន្តខេត្តសៀមរាបណា៎
ចាងហ្វាងគេហទំព័រ CRN News Live 24h ចូលខ្លួនមកបំភ្លឺ ធ្វើកិច្ចសន្យា ទទួលស្គាល់កំហុស នៅមន្ទីរប្រឆាំងគ្រឿងញៀន
មន្ទីរប្រឆាំងគ្រឿងញៀន ចេញសេចក្តីប្រកាសព័ត៌មាន ជុំវិញកិច្ចប្រតិបត្តិការបង្ក្រាបទល្មើសគ្រឿងញៀន ក្នុងភូមិសាស្ត្ររាជធានីភ្នំពេញ នៅថ្ងៃទី៩ ខែមីនា ឆ្នាំ២០២៥
016 772 021
©2023 រក្សាសិទ្ធគ្រប់យ៉ាងដោយ VITHEY NEWS
