រាជធានីភ្នំពេញ៖ កម្លាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលនៃការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលរាជធានីភ្នំពេញ បានចុះបង្ក្រាបទីតាំងក្លឹបមួយកន្លែងដែលមានយីហោ GT កាលពីវេលាម៉ោង១រំលងអាធ្រាត្រ ឈានចូលថ្ងៃទី១០ ខែសីហា ឆ្នាំ២០២៤នេះ ដែលស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
សូមបញ្ជាក់ថា ប្រតិបត្តិការនេះ ធ្វើឡើង បន្ទាប់ពីទទួលបានបទបញ្ជារដ៏ខ្ពង់ខ្ពស់ពី នាយឧត្ដមសេនីយ៍ ស ថេត អគ្គស្នងការនគរបាលជាតិ បានដាក់បញ្ជាយ៉ាងម៉ឺងម៉ាត់ ឱ្យស្នងការរងរាជធានីខេត្ត ប្រើប្រាស់កណ្តាប់ដៃដែក ធ្វើការបោសសម្អាតឧក្រិដ្ឋជនគ្រឿងញៀនឱ្យអស់ ពិសេសនៅតាមក្លឹបកម្សាន្ត។ គ្រាន់ទទួលបានបទបញ្ជានេះភ្លាម ឯកឧត្តម ឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ បានបញ្ជាដល់កម្លាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ ដឹកនាំដោយលោកវរសេនីយ៍ឯក អេង សោភា នាយការិយាល័យ សហការជាមួយកម្លាំងនគរបាលនៃការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលរាជធានីភ្នំពេញ ចុះឆ្មក់បង្ក្រាបទីតាំងក្លឹប GT ខាងលើ ។
ក្នុងប្រតិបត្តិការឆ្មក់បង្ក្រាបនេះដែរ កម្លាំងជំនាញបានឃាត់ខ្លួនមនុស្ស ១៥៨នាក់ ក្នុងនោះមានស្រី៨៣នាក់ រួមមានទាំងជនជាតិចិន វៀតណាម និងកម្ពុជា យកមកសាកសួរ មុននឹងសម្រេចបន្តនីតិវិធី ចំណែកឯវត្ថុតាងមានថ្នាំញៀនមួយចំនួន ត្រូវបានកម្លាំងជំនាញរឹបអូស ខណៈបច្ចុប្បន្នសមត្ថកិច្ចកំពុងសាកសួរ ធ្វើតេស្តរកសារធាតុញៀនលើជនសង្ស័យទាំងអស់ ដើម្បីស្រាវជ្រាវបង្ក្រាប មេខ្លោង អ្នកជូញដូរ អ្នកញៀនគ្រឿងញៀន និងកសាងសំណុំរឿងប្រមូលភស្តុតាងបញ្ជូនទៅតុលាការ ចាត់ការតាមច្បាប់ ៕
មន្ទីរប្រឆាំងគ្រឿងញៀន ច្រានចោលចោលទាំងស្រុង ចំពោះការផ្សព្វផ្សាយមិនពិតរបស់គណនី TikTok អនាមិកឈ្មោះ «បក្សីចាំក្រុង» ជុំវិញការបង្ក្រាបបទល្មើសគ្រឿងញៀន នៅក្លឹបពេជ្រលើមេឃ!
ក្រុមហ៊ុន Prince Group ចេញសេចក្តីថ្លែងការណ៍បដិសេធការចោទប្រកាន់លើអ្នកឧកញ៉ា ចេន ហ្ស៊ី
កងកម្លាំងការពារព្រំដែនទិសខេត្តព្រះវិហារ ជាពិសេសជនភៀសសឹកចំនួន៥០០គ្រួសារទទួលអំណោយពីតំណាង នាយឧត្តមសេនីយ៍ ស ថេត អគ្គស្នងការនគរបាលជាតិ
ឯកឧត្ដម ឧត្ដមសេនីយ៍ឯក ឃឹង សារ៉ាត់ ដឹកនាំកិច្ចប្រជុំបូកសរុបលទ្ធផលការងារប្រចាំកខែកក្កដា និងលើកទិសដៅបន្ត សម្រាប់ខែសីហា ឆ្នាំ២០២៥ របសមន្ទីរប្រឆាំងគ្រឿងញៀន
ក្រុមហ៊ុន អារ៉ាខាវ៉ា ខូ អិលធីឌី បានដាក់សម្ពោធបើកលក់គម្រោងលំនៅឋានអារ៉ាខាវ៉ា ២
សួស្ដីហ្វេនៗ Powaram នឹងមានវត្តមាននៅអង្គរសង្រ្កាន្តខេត្តសៀមរាបណា៎
ចាងហ្វាងគេហទំព័រ CRN News Live 24h ចូលខ្លួនមកបំភ្លឺ ធ្វើកិច្ចសន្យា ទទួលស្គាល់កំហុស នៅមន្ទីរប្រឆាំងគ្រឿងញៀន
មន្ទីរប្រឆាំងគ្រឿងញៀន ចេញសេចក្តីប្រកាសព័ត៌មាន ជុំវិញកិច្ចប្រតិបត្តិការបង្ក្រាបទល្មើសគ្រឿងញៀន ក្នុងភូមិសាស្ត្ររាជធានីភ្នំពេញ នៅថ្ងៃទី៩ ខែមីនា ឆ្នាំ២០២៥
016 772 021
©2023 រក្សាសិទ្ធគ្រប់យ៉ាងដោយ VITHEY NEWS
