រាជធានីភ្នំពេញ៖ ឈប់បានឈប់ទៅបងប្អូនអើយ! យក១-២ មិនថាទេ តែនេះកើបយកៗ ទាំងធុងៗ ខណៈតៃកុងឡានដែលរបួសជាប់នៅនឹងឡានមិននាំគ្នាជួយទេ ម្នាក់ៗគិតតែប្រមូលយកត្រីគេដូចស្រមោច គ្នាបែកកង់ដោយចៃដន្យ ខូចទាំងឡាន មនុស្សក៏របួស សងទាំងថ្លៃខូចខាតស្ពាន នៅគេប្រមូលយកត្រីអស់ទៀត ។
ហេតុការណ៍នេះបានកើតឡើងកាលពីវេលាម៉ោង៧យប់ ថ្ងៃទី១ ខែកក្កដា ឆ្នាំ២០២៤ នៅលើស្ពានអាកាសកប់ស្រូវ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានបានឱ្យដឹងថា មុនពេលកើតហេតុគេបានឱ្យរថយន្តធន់ធំ ពណ៌ស ពាក់ស្លាកលេខ ភ្នំពេញ 3B 2812 ដឹកត្រីពេញលើរថយន្ត ធ្វើដំណើរតាមបណ្តោយផ្លូវក្រវ៉ាត់ក្រុងទី៣ ក្នុងទិសដៅពីត្បូងទៅជើងឡើង លើស្ពានអាកាសកប់ស្រូវ កែងផ្លូវជាតិលេខ៤ បំណងឆ្ពោះទៅវិថីឈ្នះឈ្នះ ខណៈចុះជិតផុតទៅហើយ ស្រាប់តែផ្ទុះកង់ខាងក្រោយ ក្រឡាប់គងលើបង្កាន់ដៃស្ពានចាក់ត្រីចោល មកខាងក្រោមរាយប៉ាយពេញផ្លូវ តៃកុងក៏របួសជាប់ក្នុងរថយន្តទម្រាំយកចេញបាន បែរជាមានបងប្អូនមួយចំនួន ប្រមូលយកត្រីគាត់ បើយក១-២ ពួកគាត់មិនថាទេ តែនេះកើបយកៗ ទាំងធុងៗ ខណៈតៃកុងឡានដែលរបួសជាប់នៅនឹងឡានមិននាំគ្នាជួយទេ ម្នាក់ៗគិតតែប្រមូលយកត្រីគេដូចស្រមោច គ្នាបែកកង់ដោយចៃដន្យ ខូចទាំងឡាន មនុស្សក៏របួស សងទាំងថ្លៃខូចខាតស្ពាន នៅគេប្រមូលយកត្រីអស់ទៀត ។
ក្រោយកើតហេតុសមត្ថកិច្ចជំនាញបានចុះមកធ្វើការពិនិត្យ យករថយន្តទៅរក្សាទុកនៅការិយាល័យចរាចរណ៍ផ្លូវគោក រង់ចាំដោះស្រាយពេលក្រោយតាមច្បាប់៕
016 772 021
©2023 រក្សាសិទ្ធគ្រប់យ៉ាងដោយ VITHEY NEWS