រាជធានីភ្នំពេញ ៖ ជនសង្ស័យចំនួន ២នាក់ ធ្វើសកម្មភាព ឆក់ទូរស័ព្ទដៃជនបរទេស ហើយព្យាយាមជិះរត់គេចខ្លួន តែត្រូវបានសមត្ថកិច្ចដេញចាប់ខ្លួនបាន ។ នេះបើយោងតាមផេកផ្លូវការរបស់ នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ ។

សមត្ថកិច្ចបានឲ្យដឹងថា ដោយអនុវត្តតាមបទបញ្ជាជាប្រចាំរបស់ឯកឧត្តម ឧត្ដមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, នៅថ្ងៃទី២៩ ខែមិថុនា ឆ្នាំ២០២៤ វេលាម៉ោង១០៖៤៥នាទី លោកឧត្តមសេនីយ៍ត្រី វុទ្ធី វង្សវិបុល អនុប្រធាននាយកដ្ឋាន, លោកវរសេនីយ៍ឯក ឡេង ប៊ុនហួរ នាយកការិយាល័យព្រហ្មទណ្ឌកម្រិតស្រាល និងលោកវរសេនីយ៍ត្រី ណុប មុនី នាយរងការិយាល័យ បានដឹកនាំកម្លាំងជំនាញ ចុះល្បាតតាមបណ្តោយផ្លូវ១៣ ក្នុងសង្កាត់ ផ្សារកណ្តាលទី១ ខណ្ឌដូនពេញ រាជធានីភ្នំពេញ។

កម្លាំងជំនាញប្រទះឃើញជនសង្ស័យ ចំនួន២នាក់ជិះម៉ូតូ១គ្រឿង ម៉ាក Honda Dream C125 ពណ៌ខ្មៅ ផលិតឆ្នាំ២០១២ (ឡើងសេរីឆ្នាំ២០២០) ពាក់ស្លាកលេខ ភ្នំពេញ 1AH-5487 បានធ្វើសកម្មភាពឆក់ទូរស័ព្ទដៃពីជនរងគ្រោះឈ្មោះ KIM SOLBIN ភេទប្រុស អាយុ៣៥ឆ្នាំ ជនជាតិកូរ៉េ បច្ចុប្បន្នស្នាក់នៅ សណ្ឋាគារ Onederz Phnom Penh ដែលកំពុងធ្វើដំណើរឆ្លងផ្លូវ បានសម្រេច។

ភ្លាមនោះកម្លាំងជំនាញ ការិយាល័យធ្វើការប្រដេញ និង ឃាត់ខ្លួនជនសង្ស័យបាននៅត្រង់ចំណុចផ្លូវសុធារស់(០៣) ក្នុងសង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ៖

ទី១៖ ជនសង្ស័យឈ្មោះ គួក ពិសី ភេទប្រុស អាយុ១៥ឆ្នាំ ជនជាតិខ្មែរ មុខរបរមិនពិតប្រាដក ទីកន្លែងស្នាក់នៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។

ទី២ ជនសង្ស័យឈ្មោះ មុំា ប្រុសវ័ន្ត ភេទប្រុសអាយុ១៦ ឆ្នាំ មុខរបរមិនពិតប្រាកដ ទីកន្លែងស្នាក់នៅភូមិព្រែថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។

សម្ភារៈដកហូតមាន ម៉ូតូ១គ្រឿងម៉ាក Dream C125 ពណ៌ខ្មៅ ពាក់ស្លាកលេខ ភ្នំពេញ 1AH-5487 (របស់ជនសង្ស័យ)។

បច្ចុប្បន្ន កម្លាំងជំនាញបាននាំជនរងគ្រោះមកដាក់ពាក្យបណ្តឹង នឹងជនសង្ស័យ ធ្វេីការសាកសួរ កសាងសំណុំរឿងចាត់ការបន្តតាមនីតិវិធី៕