រាជធានីភ្នំពេញ៖ តបតាមការស្នើសុំអន្តរាគមន៍ និងចាត់វិធានការចំពោះអ្នកប្រើប្រាស់បណ្តាញសង្គម ដែលតែងតែធ្វើការបង្ហោះផ្សព្វផ្សាយលក់សម្ភារៈ ឧបករណ៍ឆក់ត្រីខុសច្បាប់ ពីក្រសួងកសិកម្ម រុក្ខាប្រមាញ់ និងនេសាទ។
នៅថ្ងៃទី២៤ ខែមិថុនា ឆ្នាំ២០២៤ នាយកដ្ឋានប្រឆាំងបទល្មើសបច្ចេកវិទ្យា បានកោះហៅឈ្មោះ ភី រាជ្យ ដែលជាម្ចាស់គណនីហ្វេសប៊ុក ឈ្មោះ ជាងលក់គ្រឿង អំភ្លីឆក់ត្រី និងគណនីTik Tok មានឈ្មោះ electric ដែលពាក់ព័ន្ធនិងករណីបង្ហោះផ្សព្វផ្សាយលក់សម្ភារៈឧបករណ៍ឆក់ត្រីលើបណ្តាញសង្គម។
ការបង្ហោះផ្សព្វផ្សាយនេះឈ្មោះ ភី រាជ្យ ធ្វើឡើងដើម្បីជួយលក់សម្ភារៈ ឧបករណ៍ឆក់ត្រីខុសច្បាប់ អោយបងប្រុសរបស់ខ្លួនឈ្មោះ នាង សារ៉ាក់ ដែលជាជនពិការ មានអាសយដ្ឋាននៅ ស្រុកអង្គរជ័យ ខេត្ដកំពត។
បន្ថែមពីនោះ ស្នងការដ្ឋាននគរបាលខេត្ដកំពត និងមន្ទីរកសិកម្ម រុក្ខាប្រមាញ់ និងនេសាទខេត្ដកំពត បានចុះដកហូតសម្ភារៈ ឧបករណ៍ឆក់ត្រីខុសច្បាប់មួយចំនួន និងបានធ្វើការអប់រំណែនាំឈ្មោះ នាង សារ៉ាក់។ ក្រោយទទួលបានការអប់រំណែនាំ ឈ្មោះ នាង សារ៉ាក់ ព្រមទទួលស្គាល់កំហុស និងបានធ្វើកិច្ចសន្យា បញ្ឈប់រាល់សកម្មភាពកែឆ្នៃ លក់សម្ភារៈ ឧបករណ៍ឆក់ត្រីខុសច្បាប់តទៅទៀត។
ចំពោះឈ្មោះ ភី រាជ្យ ក៏បានទទួលស្គាល់នូវកំហុសដែលខ្លួនបានប្រព្រឹត្ត និងបានធ្វើកិច្ចសន្យា ថានឹងបញ្ឈប់ផ្សព្វផ្សាយលក់សម្ភារៈ ឧបករណ៍ឆក់ត្រីខុសច្បាប់តទៅទៀត និងបានលុបរាល់វីដេអូដែលខ្លួនបានផ្សព្វផ្សាយពុំអោយមាននៅលើបណ្ដាញសង្គមទៀតឡើយ។
នាយកដ្ឋានប្រឆាំងបទល្មើសបច្ចេកវិទ្យា សូមក្រើនរំលឹកដល់សាធារណជនទាំងអស់ សូមមេត្តាប្រុងប្រយ័ត្នក្នុងការផលិតមាតិកា វីដែអូ ក្នុងគោលបំណងផ្សព្វផ្សាយលក់ផលិតផល រឺសេវាកម្មអ្វីមួយ ផ្ទុយនឹងច្បាប់នៃព្រះរាជាណាចក្រកម្ពុជា ដែលត្រូវប្រឈមមុខចំពោះមុខច្បាប់ជាធរមាន ៕
មន្ទីរប្រឆាំងគ្រឿងញៀន ច្រានចោលចោលទាំងស្រុង ចំពោះការផ្សព្វផ្សាយមិនពិតរបស់គណនី TikTok អនាមិកឈ្មោះ «បក្សីចាំក្រុង» ជុំវិញការបង្ក្រាបបទល្មើសគ្រឿងញៀន នៅក្លឹបពេជ្រលើមេឃ!
ក្រុមហ៊ុន Prince Group ចេញសេចក្តីថ្លែងការណ៍បដិសេធការចោទប្រកាន់លើអ្នកឧកញ៉ា ចេន ហ្ស៊ី
កងកម្លាំងការពារព្រំដែនទិសខេត្តព្រះវិហារ ជាពិសេសជនភៀសសឹកចំនួន៥០០គ្រួសារទទួលអំណោយពីតំណាង នាយឧត្តមសេនីយ៍ ស ថេត អគ្គស្នងការនគរបាលជាតិ
ឯកឧត្ដម ឧត្ដមសេនីយ៍ឯក ឃឹង សារ៉ាត់ ដឹកនាំកិច្ចប្រជុំបូកសរុបលទ្ធផលការងារប្រចាំកខែកក្កដា និងលើកទិសដៅបន្ត សម្រាប់ខែសីហា ឆ្នាំ២០២៥ របសមន្ទីរប្រឆាំងគ្រឿងញៀន
ក្រុមហ៊ុន អារ៉ាខាវ៉ា ខូ អិលធីឌី បានដាក់សម្ពោធបើកលក់គម្រោងលំនៅឋានអារ៉ាខាវ៉ា ២
សួស្ដីហ្វេនៗ Powaram នឹងមានវត្តមាននៅអង្គរសង្រ្កាន្តខេត្តសៀមរាបណា៎
ចាងហ្វាងគេហទំព័រ CRN News Live 24h ចូលខ្លួនមកបំភ្លឺ ធ្វើកិច្ចសន្យា ទទួលស្គាល់កំហុស នៅមន្ទីរប្រឆាំងគ្រឿងញៀន
មន្ទីរប្រឆាំងគ្រឿងញៀន ចេញសេចក្តីប្រកាសព័ត៌មាន ជុំវិញកិច្ចប្រតិបត្តិការបង្ក្រាបទល្មើសគ្រឿងញៀន ក្នុងភូមិសាស្ត្ររាជធានីភ្នំពេញ នៅថ្ងៃទី៩ ខែមីនា ឆ្នាំ២០២៥
016 772 021
©2023 រក្សាសិទ្ធគ្រប់យ៉ាងដោយ VITHEY NEWS
