ខេត្តកំពង់ស្ពឺ ៖ យ៉ាងហោចណាស់ កម្មករ កម្មការិនី ៤៥នាក់ បានរងរបួសធ្ងន់និងស្រាល ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ក្រោយជួបគ្រោះថ្នាក់ចរាចរណ៍ ក្រឡាប់រថយន្ដដឹកកម្មកររោងចក្រ ទាំងព្រឹកព្រលឹម ។ នេះបើយោងតាមផេកផ្លូវការរបស់ ស្នងការដ្ឋាននគរបាលខេត្តកំពង់ស្ពឺ។
សមត្ថកិច្ចបានឲ្យដឹងថា គ្រោះថ្នាក់ចរាចរណ៍ក្រឡាប់រថយន្ដដឹកកម្មកររោងចក្រ នេះ បានបណ្ដាលឲ្យរងរបួសបងប្អូនកម្មករ កម្មការិនី ៤៥នាក់ នាព្រឹកថៃ្ងទី២៥ មិថុនា ២០២៤ នៅលើផ្លូវជាតិលេខ៤ ចន្លោះគីឡូម៉ែត្រលេខ៣៤-៣៥ ភូមិកែវឧត្ដម ឃុំត្រពាំងគង ស្រុកសំរោងទង ខេត្តកំពង់ស្ពឺ ។
មូលហេតុបឋម តាមសេចក្ដីរាយការណ៍ថា មកពីរថយន្ដ បុករថយន្ដពីក្រោយ រួចគេចទៅបុកម៉ូតូមួយគ្រឿងទៀត រួចក្រឡាប់តែម្ដង (អាចបណ្ដាលមកពីគេច .)
បច្ចុប្បន្នអ្នករងគ្រោះត្រូវបានសមត្ថកិច្ចនគរបាលបញ្ជូនទៅកាន់មន្ទីរពេទ្យអ្នករងរបួសសរុប៤៥នាក់ ប្រុស៧នាក់ ក្នុងនោះរបួសធ្ងន់១៩នាក់ និងរបួសស្រាល ២៦ នាក់, ស្លាប់គ្មាន ៕
016 772 021
©2023 រក្សាសិទ្ធគ្រប់យ៉ាងដោយ VITHEY NEWS