ខេត្តព្រះវិហារ៖ យោងតាមផេកផ្លូវការរបស់ រដ្ឋបាលខេត្តព្រះវិហារ បានឲ្យដឹងថា រដ្ឋបាលខេត្តព្រះវិហារ សូមប្រកាសស្វែងរកក្រុមគ្រួសារ សាច់ញាតិរបស់បុរសម្នាក់ពុំស្គាល់អត្តសញ្ញាណដែលមាន ភិនភាគដូចក្នុងរូបថត។
អាជ្ញាធរបានបញ្ជាក់ថា បុរសរូបនេះ ត្រូវបានកម្លាំងនគរបាលប៉ុស្តិ៍ឃុំសង្កែមួយ ស្រុកឆែប ខេត្តព្រះវិហារ ប្រទះឃើញដេកនៅក្បែរទីលានចាក់សំរាម ដោយនិយាយមិនចេញ ដើរមិនរួច ព្រមទាំងមិនស្គាល់អត្តសញ្ញាណ។
បច្ចុប្បន្ន បុរសរូបនេះ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្ត និងបញ្ជូនបន្តទៅសង្គ្រោះនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ។
ករណីក្រុមគ្រួសារ សាច់ញាតិ និងសាធារណៈជន បានឃើញ និងស្គាល់បុរសខាងលើនេះ សូមធ្វើការទំនាក់ទំនងមកកាន់លេខ 097 504 6504 ស្នងការរងនគរបាលខេត្តព្រះវិហារ / 095 998 953 មន្រ្តីប្រចាំមន្ទីរពេទ្យមិត្តភាពខ្មែរ-សូវៀត ដើម្បីទទួលបានព័ត៌មានអំពីបុរសខាងលើ៕
016 772 021
©2023 រក្សាសិទ្ធគ្រប់យ៉ាងដោយ VITHEY NEWS